• Басты
  • Сенат Парниктік газдардың шығарылымын қысқарту жөніндегі париж келісімін ратификациялады
27 Қазан, 2016 11:27

Сенат Парниктік газдардың шығарылымын қысқарту жөніндегі париж келісімін ратификациялады

ҚР Парламенті Сенатының отырысы барысында депутаттар ҚР Парламентінің Мәжілісі мақұлдаған «Париж келісімін ратификациялау туралы» Қазақстан Республикасы Заңының жобасын қабылдады.
Сенат Парниктік газдардың шығарылымын қысқарту жөніндегі париж келісімін ратификациялады

2015 жылғы желтоқсанда Климаттың өзгеруі туралы Біріккен ұлттар ұйымының негіздемелік конвенциясының Тараптар конференциясында Париж келісімі қабылданған болатын. Конференция барысында Қазақстан экономиканы климат факторларымен байланысты жаңа жағдайларға бейімдеу жөніндегі шараларды жоспарлау, әзірлеу жүйесін жетілдіру процестерін заңнамалық қамтамасыз ету қағидаттарына негізделген парниктік газдарды қысқарту бойынша өз міндеттемелерін ұсынды. Басқаша айтқанда, Париж келісімінің мәні әрбір елдің парниктік газдар шығарылымдарының көлемін мүмкіндігінше шектеу міндеттемесін өз еркімен қабылдауы болып табылады.

Келісім ережесі «Қазақстан-2050» стратегиясын іске асыру мақсатында Мемлекет басшысы айқындаған міндеттерге сәйкес келеді. Париж келісімінің уақтылы ратификациялануы Экономикалық ынтымақтастық және даму ұйымының стандарттарын енгізуге мүмкіндік береді, ал бұл ЖІӨ-нің энергия мен көміртегін қажет етуін төмендету сияқты көрсеткіштерге қол жеткізуге мүмкіндік жасайды. Одан басқа, келісімді ратификациялау ЭКСПО-2017 көрмесінің қарсаңында біздің әрекеттеріміздің жүйелілігін растайды», - деп мәлімдеді ҚР энергетика министрі Қанат Бозымбаев.

Заң жобасының негізгі мақсаты осы келісімді уақытылы ратификациялау және Экономикалық ынтымақтастық және даму ұйымының экология саласындағы стандарттарын Қазақстанда енгізу болып табылады.

Сенаттың тұрақты комитеттерінен ескертулер мен ұсыныстар түскен жоқ. Сондықтан, Аграрлық мәселелер табиғатты пайдалану және ауылдық аумақтарды дамыту комитеті заң жобасын қабылдауды ұсынады.

Индира Қауметова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды