Елбасы «Қазақстан-2050» Стратегиясында жастар үшін жаңа мүмкіндіктер ашты - Н.Нығматулин

«Спикер Елбасы бастамасының арқасында Қазақстан бірінші болып әлемдік дағдарыстан бұрын индустриялық-инновациялық даму бағдарламасын бастағанын ескерте кетті.  Бағдарлама басталған үш жылдың ішінде 600кәсіпорын,  250 жаңа жұмыс орны ашылды, өнімнің 250-ден астам жаңа түрі игерілді», - делінген хабарламада.

 «Сіздердің жаңа инновациялық өндіріс орындарын құру және жаңа кәсіпорындарда жұмыс істеу мүмкіндіктеріңіз бар»,-деді.

Спикер студенттер авторы саналатын инновациялық жобалардың өндіріске кеңінен пайдаланылғанын дәлелдейтін мысалдардың жеткілікті екенін айтты. 

«Сондықтан, мемлекет тарапынан барлық мүмкіндіктер де, жағдайлар да жасалып жатыр, ендігісі тек қана өздеріңізге байланысты»,-деді Спикер. 

Нұрлан Нығматулиннің айтуынша қазіргі жастардың білім алуына, тілдерді меңгеруіне, әлемді тануына мүмкіндік зор. 

«Ең бастысы, жастар патриот болу керек. Ал патриотизм ең алдымен, өз елің үшін, оның жетістіктері үшін мақтана білу. Бұл өзіңнің күнделікті еңбегіңмен Отаныңның одан әрі гүлденуіне қол жеткізу. Осының барлығы өз кезегінде, болашақ қазақстандықтар патриотизмінің негізін қалайды»,-деді Нұрлан Нығматулин.