• Басты
  • «Нұрлы жол» Қазақстанда жұмыспен қамтуды қамтамасыз етудің басты ынталандырмасына айналды
25 Қазан, 2016 19:32

«Нұрлы жол» Қазақстанда жұмыспен қамтуды қамтамасыз етудің басты ынталандырмасына айналды

«Нұрлы жол» бағдарламасы әлемдік экономиканың өсуінің бәсеңдеуі және экспорттық тауарларға бағалардың төмендеуі жағдайларында іскерлік белсенділікті қолдаудың және жұмыспен қамтуды қамтамасыз етудің басты ынталандырмасына айналды, деді ҚР ұлттық экономика министрі Қуандық Бішімбаев.
«Нұрлы жол» Қазақстанда жұмыспен қамтуды қамтамасыз етудің басты ынталандырмасына айналды

«Нұрлы жол» мемлекеттік бағдарламасы тиімді инфрақұрылым жасау негізінде еліміздің макроөңірлерін ықпалдастыру жолымен бірыңғай экономикалық нарық қалыптастыруға бағытталған. Еліміздің 6 макроөңірі (Оңтүстік, Орталық-Шығыс, Батыс, Солтүстік, Алматы және Астана қалалары) анықталып, Алматы, Астаны, Ақтөбе, Шымкент және Өскемен қалалары ұлттық және халықаралық деңгейдегі қалалар ретінде таңдалды», - деп мәлімдеді министр ҚР Парламенті Мәжілісі депутаттарының қатысуымен өткен «Нұр Отан» партиясы фракциясының кеңейтілген жиналысы барысында.

Оның айтуы бойынша, осы қалалар макроөңірлердің экономикалық белсенділігінің, капитал, ресурстар, озық технологиялар мен көрсетілетін қызметтер шоғырланатын орталықтарға айналады.

«Нұрлы жол» мемлекеттік бағдарламасы инфрақұрылымды, тұрғын үй құрылысын дамыту және ТКШ жаңарту арқылы осы процеске ықпал етеді», - деп атап өтті министр.

«Сәулелік» қағидат бойынша тиімді көлік-логистикалық инфрақұрылым жасау мақсатында, коммуникациялардың барлық түрлері Астанадан басқа макроөңірлерге бағытталатын болады. Ол үшін мынадай жобаларды іске асыру жоспарланған: Орталық - Оңтүстік, Орталық - Шығыс, Орталық - Батыс, Батыс Еуропа – Батыс Қытай және басқа көлік жолы жобалары.  

«Мемлекеттік бағдарламада «Құрық» портында теміржол желілерінің және паромдық өткелдердің құрылысы көзделген, бұл Қазақстан арқылы Иран, Қытай, Ресей және ЕО елдері бағытында транзиттің өсуіне ықпал етеді», - деп атап өтті ведомство басшысы.

Еске сала кетейік, Мемлекет басшысының «Нұрлы жол – болашаққа бастар жол» атты Қазақстан халқына Жолдауында айтылған жаңа экономикалық саясатты іске асыру үшін «Нұрлы жол» мемлекеттік бағдарламасы қабылданған болатын. Ол әлемдік экономиканың өсуінің бәсеңдеуі және экспорттық тауарларға бағалардың төмендеуі жағдайларында іскерлік белсенділікті қолдаудың және жұмыспен қамтуды қамтамасыз етудің басты ынталандырмасына айналды.

Индира Қауметова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды