• Басты
  • Б.Сұлтанов 2016 жылдың соңына межеленген бюджеттік мақсаттар туралы айтты
25 Қазан, 2016 11:13

Б.Сұлтанов 2016 жылдың соңына межеленген бюджеттік мақсаттар туралы айтты

Қаржы министрі Бақыт Сұлтанов Үкімет отырысында 2016 жылдың соңына межеленген бюджеттік мақсаттар туралы айтты.
Б.Сұлтанов  2016 жылдың соңына межеленген бюджеттік мақсаттар туралы айтты

«Жыл соңына дейін 379 млрд теңгеге бюджет нақтыланды. Қайта бөлуді ескере отырып, игерілетін жаңа ақша 589 млрд теңгені құрайды. Олар экономикалық өсім мен әлеуметтік жобаларды қосымша күшейтеді.Әкімшілердің барлық жоспарлары бекітіліп те қойылды.Жаңа қаржының 84%-ы қазан және қараша айларында игерілетін болады. Алғашқы төлемдер сомасы 2,2 млн.теңгеге ағымдағы жылғы 19 қазанда Премьер-Министр Кеңсесі бойынша жүргізілген.Төлемдер жүргізу қарқыны өсіп келеді. 20 қазанның өзінде жүргізілген төлемдер көлемі 56 млрд теңгені құрады. 15,0 млрдтеңге Инвестициялар және даму министрлігі бойынша («Қазақстан Ғарыш Сапары» ҰК» АҚ және «Бәйтерек» ҰБХ» АҚ жарғылық капиталын ұлғайту), 36,5 млрд теңге Білім және ғылым министрлігі бойынша («Назарбаев Университеті» мен «Назарбаев Зияткерлік мектептері» ДБҰ-ға нысаналы салым), сондай-ақ жылу-энергетикалық және газ тасымалдау жүйелерін дамытуға 3,3 млрд.теңге (Энергетика министрлігі), агроөнеркәсіптік кешен субьектілерін субсидиялауға – 0,7 млрд.теңге (Ауыл шаруашылығы министрлігі) бөлінді», - деді министр.

Министр айтқандай, бұл үшін Қаржы министрлігінің порталында қадағалау жүйесі енгізілді. Мемлекеттік органдар қараша айында шарттарды тіркеуді аяқтауы және толығымен игеруді қамтамасыз етуі қажет.

«Бюджеттің теңгерімділігін қамтамасыз ету үшін Қаржы министрлігі күн сайын бюджеттің кірістері мен шығыстарын, оның ішінде «Нұрлы жол» бағдарламасын және бюджетті нақтылау кезінде берілген қаржыны атқару мониторингін жүзеге асырады», - деді ол.

Министр айтып өткендей, келер жылдың бюджеті бойынша жұмыс істеу маңызды мәселе.

«2017-2019  жылдарға арналған бюджет жобасын мақұлдау туралы республикалық бюджет комиссиясының шешімі бар.  Меморгандар сатып алу кестесін жасауға кірісе алады», - деді Б. Сұлтанов.

Қорытындысында, ведомство басшысы министрлік жыл соңын сәтті әрі сапалы аяқтауға дайын екенін жеткізді.

Ботагөз Айтжанова 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды