СҚО-да соңғы 3 жыл ішінде 130 мың адам жұмыспен қамтылды – С. Ескендіров
6 Желтоқсан, 2013 11:35
Солтүстік Қазақстан облысында соңғы 3 жыл ішінде «Бизнестің жол картасы – 2020» бағдарламасы бойынша 126,7 мың адам жұмыспен қамтылды. Бұл туралы ОКҚ-нің баспасөз отырысында Солтүстік Қазақстан облысының әкімі Самат Ескендіров хабарлады.
«2013 жылы бағдарлама бойынша 3,8 мың адам қамтылып, оның 340-ы кәсіби оқытуға жіберілді.Әлеуметтік жұмыс орындарына 947 адам жұмысқа тұрғызылып, 1029-ы жастар тәжірибесі бойынша жұмысқа жолданды.Оған қоса, әлеуметтік және өмір сүруге қажетті инфрақұрылым нысандарын жөндеу жұмыстарының есебінен қосымша жаңа 1100 жұмыс орны ашылды», - деді С. Ескендіров.
Пилоттық жоба аясында 82 пәтерді құрайтын 60 үйдің құрылысы жүруде. Ол 515 млн теңгені құрайды.
«Соңғы 3 жыл ішінде 126,7 мың адам, оның ішінде тек биылғы жылы 26 мыңнан астам адам жұмысқа орналастырылды. Жұмыссыздық деңгейі 5,8 пайыздан 5,0 пайызға дейін азайды», - деді ол.
