Я. Пейшэн: Тәуелсіздіктің 25 жылы – Қазақстанның ұлт игілігі

«Тәуелсіздіктің 25 жылы – ел үшін үлкен оқиға. Елде тәуелсіздік жылдары ішінде көп нәрсе жасалды, бұл Қазақстанның, ұлттың бүтін игілігі. ҚР Президенті Нұрсұлтан Назарбаев еліміздің қалыптасуы мен дамуында шешуші рөл атқарды және бұл туралы шексіз айта беруге болады. Қазақстанның ойластырылған әрі дана ішкі және сыртқы саясаты әсер қалдырады. Ішкі экономикада кейбір қиындықтар бар, бірақ оның барлығы әлемдік дағдарыстың әсері. Осы ретте дағдарыс Қазақстанда ғана емес, сонымен қатар, Қытайда да байқалады. Бізде де экономиканың өсуінің бәсеңдеуі орын алуда», - деді Я.Пейшэн.

Осыған байланысты, сарапшы «Нұрлы жол» дағдарысқа қарсы бағдарламасын атап өтті.

Қытай дипломатының айтуы бойынша, Қазақстан тәуелсіздік жылдары ішінде қауіпсіздікті қамтамасыз ету жөніндегі жаһандық бастамаларының арқасында әлемдегі танымал әрі беделді елге айналды.

«Қазақстан ел Президентінің басқаруымен халықаралық дауларды бақылап қана отырмай, оларды реттеу үшін барлық шаралар қабылдауда. Адамзат үшін қазір ең бастысы – жаһандық қауіпсіздік. Қазақстан аумағы жағынан – үлкен, ал  халық саны жағынан – кішкентай ел. Бірақ дипломатия стилі мен жетілуі, қол жеткізген мақсаттары, танымалдылығы жағынан Қазақстан «үлкен» ел болып саналады», - деп атап өтті Я. Пейшэн.

Сонымен бірге, сарапшы Қазақстанның дипломатиясы инновациялар рухымен, тұрақты белсенділікпен ерекшеленетінін де айтып өтті.

Ботагөз Айтжанова