Астанада жыл басынан бері 600-ден астам адам жастар тәжірибесіне жіберілді
24 Қазан, 2016 17:48
Жыл басынан бері 623 түлек жастар тәжірибесіне жіберілді, деп хабарлады Астана қаласы әкімінің баспасөз қызметі.
Жастар тәжірибесі - оқу орындарының түлектері алған мамандықтары бойынша бастапқы тәжірибе жинауы үшін орындалатын, төленетін еңбек қызметінің түрі. Оған қатысу ұзақтығы - 6 айға дейін, жалақысы айына 45 800 теңгені құрайды. Тәжірибе меншік түріне қарамастан жұмыс берушілерде ұйымдастырылады.
Сондай-ақ, жыл басынан бері мүмкіндігі шектеулі 16 адамға әлеуметтік жұмыс орындары (жұмыс беруші халықты жұмыспен қамту орталығымен келісімшарт негізінде жұмыссыздарды жұмысқа орналастыру үшін олардың жалақысын субсидиялаумен құратын жұмыс орны) берілді.
