СҚО-да 2020 жылға дейін 1,4 млн шаршы метр тұрғын үй салынады –С.Ескендіров

 «Біз биылғы жылғы тұрғын үй құрылысы көлемін былтырғыға қарағанда 48% арттырдық. Соңғы 10 ай ішінде ғана құрылыс көлемі 24,4 млрд. теңгені құрады, ал бұл 2012-жылғы осы мерзімге қарағанда 105% көп», - деді ОКҚ баспасөз конференциясы барысында әкім С.Ескендіров.

«Бағдарлама аясында («Қолжетімді баспана - 2020») 2013-жылы облыс бойынша барлығы 113 мың ш. метр тұрғын үй немесе 1252 пәтер беріледі. Бүгінде 600 отбасы қоныс тойын тойлап та үлгерді», - деді облыс әкімі.

С.Ескендіровтың сөзіне қарағанда, соңғы 10 жыл ішінде жыл сайынғы тұрғын үй құрылысы 122 мың ш. метрді құраған, бұл 2003-жылмен салыстырғанда 2,8 есе көп (43 мың ш. метр), ал 2020-жылы бұл көрсеткіш 272 мың ш. метрді құрайтын болады. «Қолжетімді баспана - 2020» бағдарламасын жүзеге асырудың қорытындылары бойынша 2020-жылға дейін 1,4 млн. ш. метр тұрғын үй іске қосылатын болады, ал бұл 18 мың отбасы қоныс тойын тойлайды деген сөз.