• Басты
  • А.Беляков: Беларусь жастары ҚР Президентінің «Әлем. XXI ғасыр» манифестін қолдайды
24 Қазан, 2016 11:24

А.Беляков: Беларусь жастары ҚР Президентінің «Әлем. XXI ғасыр» манифестін қолдайды

XXI ғасырдың жастары өздерінің күш-жігерін әлемді жақсарту үшін жұмсауы керек, деді «Беларусь республикалық жастар одағы» қоғамдық ұйымының орталық комитетінің бірінші хатшысы Андрей Беляков «Нұр Отан» партиясында өткен «Әлем. XXI ғасыр» арнайы жастар сессиясында айтты.
А.Беляков: Беларусь жастары ҚР Президентінің «Әлем. XXI ғасыр»  манифестін қолдайды

«Шанхай ынтымақтастық ұйымының жастар кеңесі халықаралық жастар ынтымақтастығын дамытудағы бірегей алаң болып саналады. Бұл орайда бейбіт халықаралық байланыс  үшін қолайлы жағдай жасаған  өте маңызды. Жастардың осы сынды жақындастығы мемлекеттік қарым-қатынастағы негізде  достықты  құруға  мүмкіндік береді.  Бұл қарым-қатынастың маңызды құндылығы бейбітшілік болып табылады. Беларусь екінші Дүниежүзілік соғыс кезінде әрбір үшінші тұрғынынан айырылды», - деді А.Беляков.

Ол айтып өткендей, беларусьтар соғыстың  салдарын ұмытқан жоқ, алайда бірігіп барлығын өткеруге болатынын біледі.

«Беларусь елінің басшысы Шанхай ынтымақтастық ұйымы басшыларының саммитінде Беларусь ШЫҰ-ның халықаралық қауіпсіздік саласындағы барлық бастамасын қолдайтынын атап өткен болатын. Бұл орайда ҚР Президенті Нұрсұлтан Назарбаевтың  «Әлем. XXI ғасыр» манифесті өте өзекті. Беларусь жастары және  жалпы халқымыз  бейбітшілікті ту еткен  бастамаларды  қолдайды. Сондықтан,  XXI ғасырдың жастары өздерінің күш-жігерін әлемді  жақсарту үшін жұмсауы керек», - деді А.Беляков.

Айта кетейік, Астанада «Әлем. XXI ғасыр» арнайы жастар сессиясы ашылды, ол Қазақстанның  2016-2017 жылдары ШЫҰ-ның жастар кеңесіндегі төрағалық етуі аясында жүзеге асырылды. Шараны ұйымдастырушы: «Нұр Отан» партиясы «Жас Отан» жастар қанаты.

Ботагөз Айтжанова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды