Астанада металлургия өнеркәсібі саласындағы өсім 59%-ды құрады
24 Қазан, 2016 18:53
Ағымдағы жылдың 9 айында Астана қаласының өнеркәсіптік кәсіпорындары 272,1 млрд теңгенің өнімін шығарды. Бұл туралы Астана қаласы әкімінің баспасөз қызметі хабарлады.
Жыл басынан бері Астанада 272, 1 млрд теңгенің өнімі өндірілді
Салалық құрылымда металлургия өнеркәсібі саласындағы өсім - 59%, дайын металл бұйымдар шығару – 28%, тағам өнеркәсібінде –3,2%-ға артып, оң үрдіс көрсетіп отыр.
Сондай-ақ, алтын кенін өңдеу – 59,9% (4,9-дан 7,9 мың кг дейін); металл конструкцияларын шығару - 2,2% (3,3-тен 3,4 мың тоннаға дейін); ет және субөнімдер – 54,5% (369-дан 570 тоннаға дейін); ұн –14,3% (101,2-ден115,7 мың тоннаға дейін); нан –2% (11,7-ден 12 мың тоннаға дейін) артты.
