ҚР ДСӘДМ ең үздік әлеуметтік қызметкерге дауыс беруді ашық деп жариялады

21 Қазан, 2016 19:47

ҚР Денсаулық сақтау және әлеуметтік даму министрлігі ҚР әлеуметтік қорғау жүйесінің қызметкері күніне арналған «Әлеуметтік қорғау жүйесінің үздік қызметкері» байқауының қатысушыларына дауыс беру ашық деп жариялайды.

Дауыс беру байқаудың келесі номинациялары бойынша:

- «Үздік әлеуметтік қызметкер»;

- «Зейнетақы жүйесінің үздік қызметкері»;

- «Әлеуметтік сақтандыру жүйесінің үздік қызметкері»;

- «Халықты жұмыспен қамту жүйесінің үздік қызметкері»;

- «Әлеуметтік саладағы үздік менеджер-ұйымдастырушы»;

- «Үздік МӘМ»;

- «Үздік әлеуметтік үкіметтік емес ұйым» бойынша өтеді.

Онлайн дауыс беру номинацияларына 2016 жылғы 5-15 қазан аралығында өткен аймақтық іріктеу кезеңдерінің жеңімпаздары қатысатын болады.

Әрбір қазақстандық азамат ҚР ДСӘДМ ресми интернет-ресурсының (www.mzsr.gov.kz) негізгі бетінде дауыс бере алады. Онлайн дауыс беру 2016 жылғы 24 қазан сағат 18:00-ге дейін өткізіледі.

Естеріңізге сала кетейік, ҚР ДСӘДМ жергілікті атқарушы органдарымен бірлесіп Әлеуметтік қорғау жүйесі қызметкерлері күнінің қарсаңында «Әлеуметтік қорғау жүйесіндегі үздік қызметкер» байқауын өткізуде. Сайыс жеңімпаздарын салтанатты түрде марапаттау 2016 жылғы 28 қазанда Астана қаласында өтеді.

Барлық жаңалықтар