Акмолалықтар 282,2 млрд теңгеге өнеркәсіптік өнім өндірген

20 Қазан, 2016 20:43

Ақмола облысында өнеркәсіп саласындағы өндіріс көлемі - 282,2 млрд теңгені, тауар өнімінің ФКИ 104,5%-ды құрады, бұл жөнінде өңір басшысы Сергей Кулагиннің төрағалығымен өткен облыс әкімдігі отырысының барысында белгілі болды.

Бүгінгі күні тау-кен өнеркәсібіндегі өңірдің физикалық көлем индексі 110,1%-ды құраған. Бұл құрамында алтын бар және уран кендерін өндіру көлемдерінің ұлғаюымен байланысты.

Облыс әкімдігінің ақпараты бойынша, өңдеу өнеркәсібінде физикалық көлем индексі 104,0%-ды құраған. Машина жасау саласындағы көрсеткіш те жаман емес.

Мысалы, бүгінгі таңда «ЕПК Степногорск» АҚ-ның мойынтіректері 8722 тоннаны құраған, өткен жылғы ұқсас кезеңмен салыстырғанда 26%-ға өскен, «КАМАЗ-Инжиниринг» АҚ 439 жүк автомобилін құрастыруды жүзеге асырған, бұл өткен жылғы сәйкес кезеңге 103,1%-ды құраған.

Сондай-ақ, резеңке және пластмасса бұйымдарын өндіру саласында - 103,5%, металлургия саласында - 130,3%, тамақ өнімдерін өндіру саласында 114,8% өсу байқалады.

Одан басқа, өткен жылмен салыстырғанда Ақмола облысында ет пен қосалқы өнімдер шығару көлемі - 29,0%-ға, өсімдік майы - 2,4 есе, ұн 31,7%-ға ұлғайғанын да атап өту қажет.

Барлық жаңалықтар