Қазақстандық паралимпиадашылар Сочидегі қысқы ойындардың лицензиясына күреседі
6 Желтоқсан, 2013 09:30
Қазақстандықтар шаңғы жарысы бойынша Канадада өтетін Әлем кубогында лицензия үшін күреседі, деп «Самұрық-Қазына» АҚ баспасөз қызметі хабарлады.
«Канадаға 5 қазақстандық паралимпиадашы аттанды, олар шаңғы жарысы бойынша Әлем кубогында бақ сынамақ»,-делінген хабарламада.
«Біз ең мықты деген спортшыларды іріктеп алдық, оның құрамында Александр Колядин, Ерлан Омаров, Қайрат Канафин, Денис Петренко, Жаңыл Балтабаев бар. Біз үшін бұл кезең өте маңызды, 2014 жылы Сочиде өтетін қысқы олимпиадасының лицензиясын әкеледі»,- деді шаңғы жарысы бойынша ҚР бапкері Олег Коломеец.
Канададағы сыннан кейін паралимпиадашылар қаңтарда өтетін Германия мен Финляндиядағы Әлем кубогына қатысады. Құрама бапкерлері ол кезге дейін құрамның қатысушылары көбейеді деп жоспарлауда.
