Ақмола облысында жыл басынан бері 10 мың жаңа жұмыс орны ашылды (ФОТО)

20 Қазан, 2016 17:29

Ақмола облысында жыл басынан бері 10 142 жаңа жұмыс орны ашылды, оның ішінде 5464 – тұрақты жұмыс орны. Бұл туралы облыс әкімі Сергей Кулагиннің төрағалығымен өткен 9 айдың қорытындысына арналған отырыста мәлім болды.

Экономика және бюджеттік жоспарлау басқармасының жетекшісі Б.Малғаждаров айтқандай, «Бизнестің жол картасы-2020» бағдарламасының негізгі бағыттарын жүзеге асыру үшін биыл республикалық бюджеттен 6,5 млрд теңге бөлу қарастырылған. Жалпы, ЖҚЖК аясында 6417 адам жұмыспен қамтылды, оның ішінде 73,2 пайызы тұрақты жұмыс орындары.

« «Инфрақұрылымды дамыту және тұрғын-үй коммуналдық шаруашылықты қамтамасыз ету» бағыты бойынша 352 инфрақұрылым жобасы жүзеге асырылып жатыр. Аталмыш жобаларды жүзеге асыру бойынша 1965 жұмыс орны құрылды, оның ішінде 1087 Жұмыспен қамту орталығы арқылы жұмысқа тұрды», - деді ол.

«Ауылдағы кәсіпкерлікті дамытуды қолдау» бағыты бойынша кәсіпкерлік негізіне 4,9 млн теңгеге 104 адам оқыды.

«Ауыл шаруашылығын қаржылық қолдау қоры» АҚ ақмолалық филиалы республикалық бюджет есебінен 589,7 млн теңгенің 253 шағын несиелері берілді.