Қазақстанда білім беруге жұмсалатан мемлекеттік шығын 1,3 трлн теңгеге немесе жылдық ІЖӨ 4,2% жетті
28 Қаңтар, 2013 00:00
Қазақстанда білім беруге жұмсалатын мемлекеттік қаржыландыру 1,3 трлн теңгеге немесе жылдық ІЖӨ 4,2% жетті, деп хабарлады Білім және ғылым министрі Бақытжан Жұмағұлов ҚР Президенті жанындағы Орталық коммуникация қызметінің Ресми өкілі Алтай Әбибуллаевтың кезекті брифингі кезінде.
«Мемлекеттік бағдарлама қабылданғаннан бері, яғни 2,5 жыл ішінде білім беруге жұмсалатан мемлекеттік қаржыландыру 1,3 трлн теңгеге немесе жылдық ІЖӨ 4,2% жетті», - деді Б.Жұмағулов.
Министрдің сөзіне қарағанда, бұл тіпті де жаман көрсеткіш емес, өйткені ЭЫДҰ елдерінде бұл көрсеткіш 5-6% құрайды.
«2012 жылғы бюджеттік қаржыны игеру бөлінген қаржының 99,8% құрады, бұл біздің ведомство жұмыс істеп келе жатқан уақыт ішіндегі ең жақсы көрсеткіш», - деп қосты ҚР БҒМ басшысы.
