Қазақстанда 2015 жылы ғылыми зерттеулерге арналған 15 алаң ашылады

6 Тамыз, 2013 00:00

Қазақстанда 2015 жылы алдыңғы қатарлы ЖОО-лар жанынан ғылыми зерттеулерді жүргізуге арналған алаңдар ашылатын болады. Мұнда зерттеулер жүргізілумен қатар бәсекеге қабілетті зияткерлік өнімдер де шығарылады. Бұл жайында ҚР БҒМ баспасөз қызметіне сілтеме жасай отырып.

Бүгінгі таңда министрлік тарапынан 2011-2014 жылдарға арналған «Инновациялық нәтижеге бағдарланған университеттік ғылымды мақсатты дамыту» бағдарламасы әзірленіп, жүзеге асырылуда. Оның аясында 11 инновацияға негізделген университет мемлекет тарапынан қолдау көріп отыр.

Қазақстан Республикасында білім беруді дамытудың 2011-2015 жылдарға арналған мемлекеттік бағдарламасы аталмыш саланы жаңғыртуға, зияткерлік өнімдерді коммерциализациялауға бағытталған.

«Мемлекеттің алдыңғы қатарлы жоғарғы оқу орындарында ғылыми зерттеу жұмыстарын жүргізуге бағытталған ғылыми бөлімдер ашылуда. Мәселен, 2011 жылы – 5, 2012 жылы – 8 орталық іске қосылса, 2013 жылы олардың саны 10, 2014 жылы – 12 және 2015 жылы 15-ке жетеді деп күтілуде» делінген баспасөз хабарламасында.

Қазіргі таңда еліміздегі 37 ЖОО-да 541 ғылыми-зерттеу орталығы бар. Олардың ішінде – 79 институт, 164 орталық, 242 зертхана, 7 технопарк, 13 кеңсе және 36 инновациялық бөлімдер бар. Сонымен қатар, 3 ұлттық және 15 инженерлік зертаналар да жұмыс істеуде.

Барлық жаңалықтар