Шымкентте «www.kasip.info» бизнес-порталы ашылды

«Оңтүстік Қазақстан облысының Кәсіпкерлер палатасының ұйымдастыруымен өңірімізде алғашқы кәсіпкерлерге арналған «www.kasip.info» бірыңғай бизнес-порталының салтанатты ашылу рәсімі өтті. Аталмыш портал облыс әкімдігі, Кәсіпкерлерге қызмет көрсету орталығының қолдауымен, сондай ақ «РБК банк» АҚ бас демеушілігімен жасалынды», - делінген хабарламада.

Сондай ақ, президент «Өз бизнесін ашқысы келетіндердің әрқайсысы кәсіпкерлікке мемлекеттік қолдау көрсету құралдарының барлық арсеналы туралы білуге тиіс. Қазақстан бизнесіне арналған бірыңғай қуатты Интернет-портал құру» туралы атап айтқан.

«Елбасының берген тапсырмасын орындау барысында ОҚО Кәсіпкерлер палатасы «www.kasip.info» бірыңғай бизнес-порталын жасады – дейді палата директоры Нұржан Әлтаев. Аталған интернет-порталда  кәсіпкерлер мемлекеттік қолдау бағдарламалары, рұқсат құжаттарын рәсімдеу, кәсіпкерлерді оқыту, бизнесті қаржыландыру, инновациялық гранттар, іскерлік іс-шаралар, инвестициялық жобалар т.б. ақпаратпен таныса алады.

«Сонымен қатар, бизнес-порталдың «Инвесторға көмек» бөлімінде шетелдерден келетін және отандық кәсіпкерлерге облысымыздың барлық аудандарындағы инвестициялық жобалар туралы мәлімет, пайдалы қазбалар қорлары, өңірде шығарылатын өнімдер мен өндіріс орындары туралы толыққанды  ақпарат орналасқан» – деді Н.Әлтаев.