Жамбыл облысында 150 орындық балабақша ашылды

150 орындық үш қабатты ғимараттың құрылыс жұмыстарын мердігер ЖШС «Компания-Марк» өткен жылы бастаған. Жобаның жалпы құны 340 млн. теңге құрайды.

Жаңа ғимаратта мектеп жасына дейінгі балаларға толық білім беру және оқыту үшін қажет нәрсенің бәрі бар.

Балабақшада музыка, спорт залдары, ойын бөлмелері, төрт медициналық кабинет, әкімшілік кеңселер, сондай-ақ балалар ойын алаңы соғылған.

Жеке атап өткен жөн, «Компания-Марк» серіктестігі бүгінгі күні Шу қаласында 50 және 150 орындық екі бөбекжай ашып бүлдіршіндерді қабылдап отыр.

Аймақта мемлекеттік-жекеменшік серіктестік арқылы жыл сайын балабақшлар артып келеді.

Бұл мемлекеттік-жеке меншік әріптестік бағдарламасы аясында ашылған 50-ші бала бақша болып табылады. Бүгінгі мемлекеттік саясаты мектепке дейінгі білім беруді жеке секторға беруге бағытталған. Жеке балалар бақшасын ашу -бизнесті табысты іске асыру болып табылады.Сондай-ақ саны жылдан-жылға артып келе жатқан бөбектерді мектепке дейінгі біліммен қамтуға мүмкіндік береді.

Қазіргі уақытта Шу ауданынының балабақшаларына 943 бала кезекте тұр. Соның ішінде Шу қаласында 689, Төле би аудандық орталығында 191 және ауылдық округтерде 63 бүлдіршіндер кезекте тұр.