Тәжікстан ЭКСПО-дағы өз экспозициясының Бас комиссарын тағайындады

18 Қазан, 2016 19:58

Қазақстанның Тәжікстандағы Елшісі Нұрлан Сейтімов ТәжікстанРеспубликасыныңСауда-өнеркәсіп палатасының Төрағасы Шариф Саидпен кездесу өткізді, деп хабарлады Сыртқы істер министрлігінің баспасөз қызметі.

Н.Сейтімов ЭКСПО-2017 Мамандандырылған халықаралық көрмеде Тәжікстан Республикасының экспозициясының Бас комиссары ретінде тағайындалғаны үшін Төрағаны құттықтады.

Өз кезегінде, Ш.Саид Елшіге ризашылығын білдіріп, өз елінің болашақтың энергиясы саласындағы жетістіктерін ЭКСПО-2017 көрмесінің қонақтарына таныстыру мақсатында тәжік тарапы барлық күш-жігерін салатынын атап өтті.

Ш.Саид жақын уақытта Астана қаласына ЭКСПО-2017 Комиссары Р.С.Жошыбаевпен «Астана ЭКСПО-2017» ҰК» АҚ басшылығымен тәжірибелік-ұйымдастырушылық мәселелерді талқылау және нақты жұмысқа кірісу мақсатында сапармен баратынын хабарлады.

Сонымен қатар, кездесу барысында екіжақты сауда-экономикалық қарым-қатынастар мәселелері қарастырылды. Осы орайда, тараптар ү.ж. 20 қазанда Душанбе қаласында өтетін «Қазақстан-Тәжікстан» бизнес-форумының маңыздылығын атап өтті.

Барлық жаңалықтар