Бельгия ЭКСПО-2017 көрмесінде электр энергиясы саласындағы әзірлемелерді ұсынады

ҚР Сыртқы істер министрлігінің ақпараты бойынша, кездесу барысында «CMI Energy» президенті  П. Мэлин Р. Жошыбаевқа бельгиялық компанияның «ЭКСПО-2017» көрмесіне қатысатынын растау туралы ресми хат табыстап, А. Кашечкиннің «CMI Group» секциясының комиссары болып тағайындалғаны туралы ақпарат берді.

Осылайша, Астанадағы көрмеде Бельгияны «CMI Group» корпорациясы және жасыл технологиялар саласындағы бірқатар ірі бельгиялық компаниялар таныстырады. «CMI Group» электр энергиясын өндіру саласындағы әлемдік көшбасшы болып табылады. Компания энергетика, қорғаныс кешені, болат құю өнеркәсібі, қоршаған орта саласындағы объектілер және жалпы өнеркәсіп үшін жабдық жобалаумен, орнатумен, жаңартумен және оған қызмет көрсетумен айналысады.

Өз кезегінде, көрме комиссары Р. Жошыбаев ЭКСПО-2017 екі елдің сауда-экономикалық қарым-қатынастарын, баламалы энергетика саласындағы ынтымақтастықты дамыту үшін жақсы тұғырнама болады және көрме жетістігіне едәуір үлес қосады. Сондай-ақ, 2017 жылы компания өзінің 200 жылдығын атап өтетінін және ынтымақтастық туралы меморандум шеңберінде қазақстандық кәсіпорындармен ынтымақтастық жасайтынын да атап өту қажет.