Астанадағы ЭКСПО-2017 нысандарының құрылысы сфера түріндегі ғимараттан басталады – Т.Ермегияев
5 Желтоқсан, 2013 17:09
Астанадағы ЭКСПО-2017 нысандарының құрылысы сфера түріндегі теңдессіз ғимараттан басталады, деп мәлімдеді «Астана ЭКСПО-2017» ҰК» АҚ басқарма төрағасы Т.Ермегияев мамандандырылған халықаралық көрмені өткізуге дайындық бойынша есеп берудің баспасөз конференциясында.
«Алдымен біз инженерлік желілерді, жер бетін өңдеу жұмыстарынан бастап, жыл соңына дейін нөлдік циклге жетуіміз керек. Құрылыстың басты ғимаратын сфера түріндегі теңдессіз нысан болмақ. Әлемде мұндай ғимарат бұрын-соңды салынбаған», - деді Ермегияев.
«Астана ЭКСПО-2017» Ұлттық компаниясының бас архитекторы Айдар Мараттың айтуынша, сфера табиғатта көп кездесетін формалардың бірі. Осы пішін арқылы көрме тақырыбының тиімділік негізі ашылмақ.
«Қазақстандық павильонның эскизі табиғаттан әсер алуға, болашақтағы экологиялық дизайнды көрсетуге мүмкіндік бермек», - дейді А.Марат.
Т.Ермегияевтің айтуынша, көрмеге келушілер саны мен аталмыш көрмеден түскен пайда көлемі екі ай ішінде саналып бітпек.
