Ұзындығы 189 шақырымды құрайтын Астана – Көкшетау – Петропавл көлік жолының учаскесі ашылды

17 Қазан, 2016 19:52

Солтүстік Қазақстан облысының аумағында Астана – Көкшетау – Петропавл транзиттік дәлізінің учаскесін қайта құру аяқталуда, қазіргі уақытта ұзындығы 189 шақырымды құрайтын Көкшетаудан Петропавлға дейінгі учаскені қайта құру аяқталуда, деп хабарлады «ҚазАвтоЖол» ҰК» АҚ.

Астана – Петропавл автомобиль жолының жалпы ұзындығы 489 шм құрайды. Бірінші Астана – Щучинск учаскесі (211 шм) 2009 жылы пайдалануға берілген. Қазіргі уақытта ұзындығы 189 шм құрайтын Көкшетаудан Петропавлға дейінгі учаскені қайта құру аяқталуда. Жолға асфальт-бетон қоспасын төсеу бойынша негізгі жұмыстар аяқталды. Абаттандыру және жарықтандыру жұмыстары аяқталу кезеңінде.

Қазіргі сәтте Көкшетаудан Петропавлға дейінгі жаңа салынған көлік жолы бойынша автокөлік құралдарының қозғалысы ашылды. Көлік жолы І және ІІ техникалық санат параметрлері бойынша салынған, Көкшетау қаласының маңындағы қозғалыс 4 жолақ бойынша, одан әрі екі жолақ бойынша жүзеге асырылуда.

Осылайша, Астана – Петропавл дәлізінде қолайлы және үздіксіз жол жүру толықтай қамтамасыз етілген.