• Басты
  • ҚР АКМ БАҚ мәселелеріне қатысты заңнаманы жетілдіру бойынша тұжырымдама әзірледі
14 Қазан, 2016 18:47

ҚР АКМ БАҚ мәселелеріне қатысты заңнаманы жетілдіру бойынша тұжырымдама әзірледі

ҚР Ақпарат және коммуникация вице-министрі Алан Әжібаев ұсынған «ҚР кейбір заңнамалық актілеріне ақпарат және коммуникация мәселелері бойынша өзгерістер мен толықтырулар енгізу туралы» Заң жобасына тұжырымдама ҚР Әділет министрлігінде ведомствоаралық комиссия отырысы барысында мақұлданды.
ҚР АКМ БАҚ мәселелеріне қатысты заңнаманы жетілдіру бойынша тұжырымдама әзірледі

Тұжырымдама отандық ақпараттық кеңістіктің бәсекеге қабілеттілігін одан әрі дамыту мен арттыру үшін бұқаралық ақпарат құралдары, телерадиохабарландыру, байланыс және ақпарат мәселелері бойынша заңнаманы жетілдіруге бағытталған. 

«Тұжырымдама ҚР Президентінің Жарлығымен бекітілген заң шығармашылығы жұмысының 2016-2020 жылдарға арналған тұжырымдамалық жоспарын орындау шеңберінде әзірленген. Технологияның жылдам дамуы және бұқаралық ақпараттың таралуы ақпараттық саладағы қоғамдық қатынастарға сөзсіз әсер етеді. Бұл заң жобасының жаңа құқықтық қатынастарға құқықтық негіз беру, сондай-ақ отандық БАҚ пен ақпараттық құқықтық ынталандыру мақсатында қолданыстағы құқықтық нормаларды жетілдіруді жалғастыру міндеттерін білдірді», - деді вице-министр.

Тұжырымдама шеңберінде 4 кодекске, атап айтқанда, бюджет, салық, әкімшілік құқық бұзушылықтар туралы және кәсіпкерлік кодекстеріне өзгерістер мен толықтырулар енгізу көзделеді.

«Болашақ заң жобасында БАҚ және теле-, радиохабарландыру блогы бойынша осы бағыт бойынша азаматтардың ақпараттық саладағы құқықтарын қамтамасыз ету мәселелерін шешу ұсынылады, құқықтық жағдайлар жасай отырып, мүмкіндігі шектеулі адамдардың ақпаратқа ашық қолжетімділік құқығын пайдалану мүмкіндігін кеңейту көзделеді», - деп түсіндірді вице-министр.

Сондай-ақ, «баланың жасына сәйкес келетін ақпарат» түсінігін заңнама түрінде бекіте отырып, балаларды денсаулыққа, адамгершілік және рухани дамуға зиян келтіретін ақпараттан қорғаудың құқықтық жүйесін енгізу де көзделеді. Сондай-ақ, білім беру ұйымдары мен байланыс операторларына интернет-трафикті сүзгіден өткізу қызметтерін ұсыну бойынша талап қою көзделеді.

Осылайша, заңнамадағы өзгерістер шеңберінде БАҚ-қа түсетін құқықтық жүктемені оңайлату, балалардың олардың суреттері мен дербес деректерін сақтау құқықтарының сақталуы үшін жағдайлар жасау, сондай-ақ құқықтық реттеу саласына БАҚ жаңа түрлерін енгізу, «баспасөз қызметі» және «баспасөз хатшысы» түсініктерін енгізу арқылы мемлекеттік органдар мен БАҚ арасындағы өзара іс-қимыл үшін жағдайларды жетілдіру, заңнамаға БАҚ-тағы жарнама бөлігінде өзгерістер енгізу жоспарланып отыр.

Индира Қауметова

Барлық жаңалықтар