Қарағандылық студенттерге ювеналды әділеттің дамуы жайлы айтылды

5 Желтоқсан, 2013 16:00

Бүгін, 5 желтоқсанда Әділет министрінің орынбасары З.Баймолдина Е.Бөкетов атындағы Қарағанды мемлекеттік университетінің оқытушы-профессорлық құрамы және студенттерімен кездесу ұйымдастырды. Кездесу барысында министрдің орынбасары Қазақстандағы ювеналды әділет ұстанымдары жайлы айтып берді, деп хабарлайды ведомствоның баспасөз қызметі.

«Кездесуде З.Баймолдина балалардың заңды құқын қорғауды қамтамасыз етудің тиімділігін арттыруға бағытталған шараларды қабылдау туралы, соның ішінде ювеналды сот өндірісіне тартылған кәмелеттік жасқа толмағандар туралы әңгімеледі», - делінген хабарламада.

Жалпы, елімізде әлеуметтік жұмыскерлер (психологтар) институты енгізілуде. Олар ювеналдық органдарға тартылған, атап айтар болсақ сотқа, полицияға, денсаулық сақтау мен білім беру саласындағы жергілікті атқарушы органдарға тартылған кәмелеттік жасқа толмағандарға әлеуметтік көмек көрсететін болады.

Сонымен қатар, кездесу кезінде ювеналды соттардың алдын алу шараларын күшейту керектігі жайлы айтылды. Мысалға, отбасындағы баланың тәрбиесінің негізгі қайнар көзі болып табылатын некенің маңызын арттыру шараларының қажеттілігі ортаға тасталды.

Барлық жаңалықтар