Н. Ермекбаев: Қазақстандағы талантты жастар «Дарын» сыйлығымен марапатталады

Биылғы жылы мемлекеттік органдар мен жастар арасындағы  жалпыұлттық деңгейді қалыптастыру мақсатында ҚР Тәуелсіздігінің  25 жылдығына арналған Республикалық жастар форумы өтеді. Сондай-ақ, талантты жастарды қолдау  аясында Тұңғыш Президент күні қарсаңында  «Дарын» Мемлекеттік сыйлығы  беріледі.

Қазақстанда мемлекеттік жастар саясаты тиімді жүзеге асырылып жатыр.  2015 жылы  2020 жылға дейінгі мемлекеттік жастар саясаты  түсінігінің алғашқы кезеңі сәтті аяқталды, оның  негізгі мақсаты  жастар саясатын институционалды  түрде нығайту болатын. Министр айтып өткендей, өңірлерде жастар саясатын  дамыту бойынша басқармалар жұмыс істейді, жастардың  198 ресурстық орталығы  органдардың консультативтік- кеңестік рөліне бағытталған.

«Біріншіден, жастар ұйымдарын жастардың барлық санаттарын қамтитын қызмет түрлерін көрсетуге бағыттау. Екіншіден, ұйымдаспаған жастармен, әсіресе жұмыссыз және оқымайтын жастар санатымен жұмыстар жүргізу үшін жаңа әдіс-тәсілдерді жасақтау. Үшіншіден, бүгінгі жас ұрпақ өзіне қажетті ақпараттар мен қызметтерді Интернет арқылы алады», - деді ол.

Осылайша, жастарға Интернет пен мобильдік қосымшалар арқылы тартымды, заманауи жобалар мен бағдарламаларды ұсыну жоспарда бар.

«Мемлекеттік жастар саясатының тағы бір тармағы жетістігі ретінде биыл «Жасыл ел» ұландарына жұмыс беруші тарапынан төленетін жалақыға қосылатын үстеме екі есеге өсірілді және осы қаражатты келер жылдан бастап трансфертпен өңірлерге берілед», - деді Н.Ермекбаев.

Бұл саладағы жетістіктерді айшықтайтын жоспарлы іс-шара – биыл Тәуелсіздіктің 25 жылдығына арналған Жастардың Республикалық форумы алғаш рет өткізіледі. Қазіргі күнде өңірлік форумдар өтуде және делегациялар қалыптасуда.

Индира Кауметова