Куала- Лумпур қаласында Қазақстан мен Малайзия партияаралық ынтымақтастықты талқылауда

5 Желтоқсан, 2013 15:22

Кеше, 4 желтоқсанда Куала-Лумпур қаласында, Қазақстан делегациясының билік басындағы Малайзия Бірлескен ұлттық ұйымы (МБҰҰ) партиясының съезіне және «Ұстамдылық саясаты бейбітшілік пен тұрақтылыққа апаратын жол» тақырыбындағы Халықаралық форумына қатысу шеңберінде «Нұр-Отан» партиясының Хатшысы Э.Сыздықов МБҰҰ Бас хатшысы Т.Мансормен екіжақты кездесу өткізді, деп Сыртқы істер министрлігінің баспасөз қызметі хабарлады.

«Кездесу барысында тараптар екіжақты саяси және сауда-экономикалық ынтымақтастықтың қазіргі жағдайы менболашақ перспективаларын талқылады», - делінген хабарламада.

Қазақстандық делегат сұхбаттасушыға жақында қабылданған «Нұр-Отан» партиясы Доктринасының негізгі қағидалары туралы, «Қазақстан 2050» Статегиясының шеңберінде дамудың өзекті бағыттары туралы және еліміздің сыртқы саяси бастамалары туралы баяндап берді.

Малайзиялық саясаткер екі ел арасындағы саяси диалогтың, соның ішінде жоғары деңгейдегі байланыстардың даму екпініне жоғары баға беріп, тәуелсіздік алғаннан бері Қазақстанның әлеуметтік-экономикалық және сыртқысаяси бағыттарындағы елулі жетістіктерін ерекше атап өтті.

Сонымен бірге тараптар,партияаралық қарым-қатынастардың даму перспективаларына қатысты пікір алмасты.