• Басты
  • Қазақстанда көші-қон заңнамасының 180 мыңнан астам бұзушылығы анықталды (ФОТО)
12 Қазан, 2016 17:04

Қазақстанда көші-қон заңнамасының 180 мыңнан астам бұзушылығы анықталды (ФОТО)

2016 жылдың 8 айы ішінде ішкі істер органдары көші-қон заңнамасының 180 мыңнан астам бұзушылығын анықтады. Бұзушылықтарды шетелдік азаматтар да, қазақстандықтар да жасаған. Бұл туралы ҚР ішкі істер министрінің орынбасары Рашид Жақыпов Парламент Мәжілісінде хабарлады.
Қазақстанда көші-қон заңнамасының 180 мыңнан астам бұзушылығы анықталды  (ФОТО)

«Осы жылдың 8 айы ішінде біз құжатсыз тұруды, бұзылған құжаттар бойынша тұруды қоса алғанда, шетелдіктер және қазақстандықтар жасаған көші-қон заңнамасының 180-нен астам бұзушылығын анықтадық. Біз тұрғындардың барлығын бірдей тексермейміз, бірақ заң бұзылған жағдайда, бұзушылық жасағандарды жауапқа тартамыз», - деді Р.Жақыпов «ҚР кейбір заңнамалық актілеріне экстремизм мен терроризмге қарсы іс-қимыл мәселелері бойынша өзгерістер мен толықтырулар енгізу туралы» ҚР Заңының жобасы бойынша жұмыс тобының отырысында.

Вице-министр Министрлік заң жобасына енгізуге ұсынған барлық өзгерістер ел ішінде шетелдік азаматтармен көші-қон процестерін бақылауды күшейту үшін енгізілетінін атап өтті.

«Өмір көрсетіп отырғандай, заңнамада тұрғын үй иесі өзі тұрғын үй берген адамдарды тіркемейтін кемшіліктер бар. Біз жалға берушілерге, тұрғын үй иелеріне осы тұрғындарды тіркете отырып, бұл кемшілікті жойып жатырмыз. Практика да, Алматыда болған оқиға да кеше ғана ҰҚК қызметкерлері лаңкестік әрекет дайындаған адамдарды ұстағанын көрсетті. Бұл да жалға берілген пәтер болған және ондағы адамдар тіркелместен тұрған болатын. Осыған ұқсас жағдай, алматылық атқыш алты ай бойы жалға берілген пәтерде тіркеусіз тұрған», - деді вице-министр.

Ботагөз Айтжанова

Сурет: Азамат Әлиев

Барлық жаңалықтар