Қазақстанда авария мен апаттар кезінде шұғыл шақырту жүйесі пайдалануға 2017 жылы беріледі

12 Қазан, 2016 19:36

Авария мен апаттар кезінде шұғыл шақырту (ААШШ) қазақстандық жүйесі пилоттық режимдегі тәжірибелік пайдалануға 2017 жылдың басынан беріледі, деп хабарлады Қазғарыштың баспасөз қызметі.

«ААШШ автоматтандырылған ақпараттық жүйесі автотранспорт құралында орнатылған борт терминалдардан келетін авариялар туралы сигналдарды қабылдап, оларды Қазақстанның барлық облыстарына ортақ бірыңғай кезекшілік-диспетчерлік («112» БКДҚ») қызметіне жіберетін болады», - делінген хабарламада.

Өз кезегінде, ААШШ жүйесінің «112» БКДҚ» арнайы оқытылған операторы электрондық картасынан нақты координаторларын анықтап, жүргізушіден дыбыс байланысы арқылы керекті мәліметтерді сұрап білгеннен соң, алынған ақпаратты жедел пысықтап, оны жедел қызметтеріне (жедел жәрдем, ЖПҚ) жібереді.

ААШШ жүйесінің виртуалды ұялы операторының құрылуына дейін борт терминалдардан келетін мәліметтерін жіберу функциясын Қазақстан Республикасы аумағының максималды қамтылуын қамтамасыз ететін қазақстандық ұялы байланыс операторы атқаратынын атап кеткен жөн.

2017-2019 жылдары жұмыстары аппараттық құралдарын сатып алу, ААШШ жүйесінің виртуалды ұялы операторын құру, сондай-ақ «ЭРА-ГЛОНАСС», «ЭРА-РБ» жүйелерімен және жол-көлік оқиғалары туралы төтенше қызметтерді жедел хабарландыруға арналған «eCall» еуропалық кешенді автокөлік жүйесімен үйлесуін қамтиды.

Барлық жаңалықтар