• Басты
  • Қ.Бозымбаев: Қашаған кен орнынан алғашқы мұнай өндіріле бастады
12 Қазан, 2016 14:32

Қ.Бозымбаев: Қашаған кен орнынан алғашқы мұнай өндіріле бастады

Қашаған кен орнынан ҚазТрансОйл резервіне алғашқы мұнай өндіріле бастады, деді Энергетика министрі Қанат Бозымбаев Парламент Мәжілісінің жалпы отырысы барысында.
Қ.Бозымбаев: Қашаған кен орнынан алғашқы мұнай өндіріле бастады

«Өндіру басталып қана қойған жоқ, мен бүгін төрт  ұңғымадан мұнай ағып жатқанын  көрдім, тәулігіне  90 мың баррельдей болып қалатын көрсеткіш бар, Болашақ (Зауыт) та жұмыс істеп жатыр. Оны қалпына келтіру жалғасып жатыр, себебі қондырғының барлық түрі әлі жүктеліп жатыр. Сауда мұнайы Болашақ зауытынан шықты, таза, кеше кешкі уақытта Қаз ТрансОйл резервіне құйылды. Ол сол жерде кезеңдеп жиналады. Оператор алдағы уақытта  алғашқы экспорттық келісім шарт туралы айтады», - деді министр.

Айта кетейік,  14 маусымда өткен ҚР Үкімет отырысында Энергетика министрлігі мен ҚазМұнайГаз  2016 жылдың  қазанында аталмыш кен орнындағы жұмысты  жаңғыртуды келіскен болатын.

Барлық жаңалықтар