Қостанай облысында жекешелендіру аясында 9 нысан бәсекелестік ортаға берілді
11 Қазан, 2016 18:29
Қостанай облысында жекешелендіру аясында жоспарланған 20 нысанның 16-сы сатылымға берілді, оның ішінде 226,7 млн теңгенің 9 нысаны бәсекелестік ортаға берілді, деді аппараттық кеңесте қаржы басқармасының жетекшісі Сәуле Аймұхамбетова.
Оның айтуынша, 2016-2020 жылдарға арналған жекешелендірудің екінші аясында 29 нысанды жекешелендіру жоспарланған.
Биыл жекешелендіруге 20 нысан шығару жоспарланса, 2017 жылы 3 нысан шығару, ал 2018,2019,2020 жылдарға 2 нысан шығару қарастырылған.
«Бүгінгі таңда жоспарланған 20 нысанның 16-сы сатылымға берілді, оның ішінде 226,7 млн теңгенің 9 нысаны бәсекелестік ортаға берілді», - деді С.Аймұхамбетова.
Айта кетейік, ҚР Үкіметі облыс әкімдіктеріне ведомство жанындағы ұйымдарды бәсекелестік ортаға тапсыру мақсатында қайта тіркеу бойынша тапсырма берген болатын.
