ҚР ДСӘДМ бюджетінің жобасы 2017 жылға 3 трлн 104 млрд теңгені қарастырып отыр (ФОТО)

11 Қазан, 2016 16:29

Денсаулық сақтау және әлеуметтік даму министрлігі бюджетінің жобасы 2017 жылға 3 трлн 104 млрд теңгені қарастырып отыр, деді денсаулық сақтау және әлеуметтік даму вице-министрі Біржан Нұрымбетов.

«Министрлік 3 жылдық бюджет жобасын министрліктің 2017-2021 жылдарға арналған жоспарына сәйкес ұйымдастырады. 2017 жылдың стратегиялық жоспарын жүзеге асыру үшін 2017 жылға 3 трлн 104 млрд теңге бөлу қарастырылған, ол ЖІӨ қатынасына сәйкес 6,4 пайызды құрап, республикалық бюджетке 40 пайыз көрсеткішті құрайды. Оның ішінде 3 трлн 047 млрд теңгесі – ағымдағы бағдарлама, 57 млрд теңге – даму бюджеті», - деді вице-министр.

Оның айтуынша, 2018 жылға да бюджет жоспарланған, ол 3 трлн 457 млрд теңгені құрап отыр. 2019 жылғы бюджет 3 трлн 947 млрд теңгені құрады.

Вице-министр айтып өткендей, ДСӘДМ шығыны 2 бағытқа бөлінеді: денсаулық сақтау,2017 жылғы шығыны 1 трлн 014 млрд теңге, әлеуметтік даму – 2 трлн 090 млрд теңге.

«Денсаулық сақтау саласында КТМКК саласына 90 пайыздық үлес қосылады, ол 915 млрд теңге. Қалған қаржы кадр дайындау және медициналық кадрларды дамытуға бағытталған», - деді ол.

Әлеуметтік еңбек саласында 96 пайыз немесе 1 трлн 998 млрд теңге әлеуметтік жәрдемақы мен зейнетақыны құрады.

Индира Кауметова