Қазақстандық онкологтар Францияның ірі институтының бірінде білім алды

«ҚР Денсаулық сақтау министрлігінде вице-министр Е.Ә.Байжүнісов Францияда оқып қайтқан еліміздің онкологиялық қызметі мамандарымен кездесті», - делінген хабарламада.

Республиканың онкологиялық қызметінің кадрлық әлеуетін арттыру мақсатында құрамында онкохирургтер, химиотерапевтер, маммологтар бар 20 отандық онколог-дәрігер биылғы қазан-желтоқсан айлары аралығында республикалық бюджет қаражаты есебінен Париждегі Густав Русси институтында оқып, тәжірибе алмасып қайтты.          

Густав Русси институты Еуропаның ең ірі ғылыми-зерттеу институттарының бірі.

Густав Русси институтындағы оқып, тәжірибе алмасу жоғары деңгейде ұйымдастырылды. Отандық мамандар теориялық тұрғыдан білім алып қана қоймай, операцияларға, комитеттерге, науқастарды зерттеуге қатысты.

Оған қоса, мультидисциплинарлық топ, күндізгі стационар, «дәрігер-хатшы» менеджменті, ақпараттық жүйе, сүт безі обыры кезінде ағзаны сақтау операциялары, нейронавигациямен бас сүйекке жасалатын оталар, саркома кезінде қалпына келтіру-пластикалық операциялар, химияпрепараттарды орталықтандырған қозғау сияқты жұмыстарды ұйымдастыруды үйренді.