Алматы облысында 180 орынға арналған балабақша ашылды (ФОТО)
11 Қазан, 2016 15:28
Жуырда Панфилов ауданының Жаркент қаласында 180 орынға арналған жаңа балабақшаның салтанатты ашылуы болып өтті, деп хабарлады Алматы облысының әкімдігі.
Балабақша барлық заманауи талаптарға сәйкес келеді, екі қабатты ғимаратта барлық қажетті жағдайлар жасалған. Балабақша құрылысына 173 млн теңге жұмсалған.
Облыста 830-дан астам мектепке дейінгі ұйым жұмыс істейді, соның ішінде 175 мемлекеттік, 227 жеке меншік балабақша және 435 мектеп жанындағы шағын орталық. Осы ретте, 60 154 бала тәрбиеленуде, балалардың мектепке дейінгі біліммен қамтылуы 79,0%-ды құрайды.
