Е.Ыдырысов: Қазақстанға құйылатын шетелдік инвестициялар ағыны жарты жылда 5 есеге артты
10 Қазан, 2016 16:31
Қазақстанға құйылатын шетелдік инвестициялар ағыны жарты жылда 5 есеге артып, 5,7 млрд АҚШ долларын құрады, деді Мәжілістегі Үкімет сағатында Сыртқы істер министрі Ерлан Ыдырысов.
«Елбасының соңғы екі жылдағы шетелге жасаған сапарларының нәтижесі Қазақстанға 42 млрд долларды әкелді. Биылғы жылдың жарты жылында Қазақстанға құйылатын шетелдік инвестициялар ағыны жарты жылда 5 есеге артып, 5,7 млрд АҚШ долларын құрады», - деді ол.
Ведомство басшысы айтып өткендей, 2016 жылдың 1 қыркүйегіндегі жағдай бойынша Қазақстанда шетелдік қатысумен 19 685 заңды тұлға жұмыс істейді. Бірлескен кәсіпорындар Түркия, Ресей, Нидерланд, Германия мен Қытай елдері бойынша жұмыс істейді.
«Жалпы бірлескен кәсіпорындардың саны 2014 жылмен салыстырғанда 25 пайызға артты», - деді ол.
Индира Кауметова
