Жамбыл облысының шаруалары тамшылап суарудың нәтижесінде 1 гектардан 800 центнерге дейін қант қызылшасын жинайды

Жамбыл облысында қант қызылшасын жинау науқаны жаңа ғана басталды, бірақ бірінші нәтижелер айтарлықтай жоғары. Шаруалар атап өткендей, қант қызылшасының мұндай жоғары өнімі облыста бұрыннан болмаған, деп хабарлады өңір әкімдігі.  

Осы жылы шаруа қожалықтары озық технологияны қант қызылшасында сынақтан өткізуді шешті.

«Трансфер» шаруа қожалығы – Мерке ауданындағы ең ірі және озық қожалықтардың бірі. Шаруашылық осы маусымда қант қызылшасын 42 гектар жерге орналастырған. Фермер тәтті түп өсіруде тамшылап суару технологиясын пайдаланған. Көкөніс өсіру шаруашылығы басшысының айтуы бойынша, тамшылап суаруды пайдалану бір гектардан мың центнерге дейін жинауға мүмкіндік берген.

«Сыпатай» ЖШС кәсіпорны да 200 га жерге тәтті түп өсіруде жаңбыр суымен суаруды пайдалануды шешкен. Шаруашылық жаңбыр агрегатын пайдаланудың арқасында бір гектардан 800 центнер қант қызылшасын алған.

«Орнатылған технология суару кезінде жұмыс күшінің шығынын азайтуға мүмкіндік берді. Су мен минералды тыңайтқыштардың үнемделуі байқалады. Нәтижесінде, бізде жоғары өнім алынады»,- деді шаруашылық басшысы К. Шайхиев.

Мемлекеттің уақтылы көрсеткен көмегі – субсидиялар да үлкен жәрдем болды. Енді қызылша өсіру шаруашылықтарының басты міндеті барлық өнімді шығынсыз жинап алу болды.