Көкшетаулық әуежайда Ресейге шығатын жаңа бағыт ашылды
5 Желтоқсан, 2013 10:43
«ТРАНСАЭРО» әуекомпаниясы «Мәскеу (Внуково) – Көкшетау» рейсін ашты, деп Ақмола облысының баспасөз қызметі хабарлады.
«Көкшетаудан Ресейге бағытталған алғашқы рейс 14 желтоқсан күні ашылады. Бағыт аптасына 2 рет орындалады. «Boeing 737G» әуелайнерінің көмегі «Мәскеу (Внуково) 00.30 - Көкшетау 05.00 \ 06.20 - Мәскеу (Внуково) 07.00»графигі арқылы жүзеге асады.
Әуебилеттері жоспарлы құн бойынша 43 мың теңге болады деп күтілуде. Аталмыш бағыт бойынша көкшетаулық жолаушылар Мәскеу қаласының Внуково әуежайынан РФ, ТМД, Еуропа, Азия, Америка, Африка елдеріне жол тарта алады.
