З.Қабулдинов: «National Digital History» - отандық және шетелдік зерттеушілер үшін үлкен демеу

««National Digital History» әзірлеушілері тарих дамуында ілгері қадам жасады. Енді біздің кәсіби тарихшыларымыз үлкен  аудиториямен тікелей байланыс орната алады. Тарихтың сан парақтарын насихаттауды барлық әлем тамашалайды. Қазақ театрының пайда болуын зерттеуге мүмкіндік туып, танымал, дарынды тұлғаларды насихаттау  кеңейе түседі» – деді З.Қабулдинов.

Профессор айтып өткендей, биыл ЮНЕСКО ұранымен Әлихан Бөкейхановтың туғанына 150 жылдық мерекеленуде.

««National Digital History»  әзірлеушілері  бұл оқиғаға аса көңіл бөлген. Әлихан Бөкейхан – «Алаш» қоғалысының көшбасшысы. Сондықтан аталмыш жоба отандық және шетелдік  зерттеушілер үшін үлкен демеу болып табылады», - деді ол.  

Айта кетейік, ҚР Ұлттық музейінде «National Digital History» интернет порталының  жаңа форматтағы жобасы таныстырылды. Жоба  Қазақстан тарихы туралы толық ақпарат  пен  тарих саласындағы соңғы зерттеулерді жариялауға бағытталған.

Ботагөз Айтанова