ҚР Үкіметі нақтыланған республикалық бюджеттің бағыттарын анықтады
8 Қазан, 2016 12:33
ҚР Үкіметі нақтыланған бюджет аясында қосымша қаражатты басым жобаларға бағыттайды.
Астанада Премьер-Министр Бақытжан Сағынтаевтың төрағалығымен ҚР Үкіметінің кезекті отырысы өтті, деп хабарлады Премьер-Министрдің реми сайты.
Кеңес барысында « 2016 - 2018 жылдарға арналған республикалық бюджет туралы" Қазақстан Республикасының Заңын іске асыру туралы" Қазақстан Республикасы Үкіметінің 2015 жылғы 8 желтоқсандағы № 972 қаулысына өзгерістер мен толықтырулар енгізу туралы» ҚР Үкіметінің Қаулысы қабылданды.
ҚР Үкіметінің Қаулысы 2016 жылға арналған республикалық бюджет көрсеткіштеріне енген түзетулерді қабылдап, 2020 Жол картасын жүзеге асыруға, басым мемлекеттік бюджеттік инвестиция, Ұкімет резервтері мен мақсатты трансферттерді бағыттайды.
