• Басты
  • Армения ЭКСПО-2017-ге қатысатындығын растады
8 Қазан, 2016 11:04

Армения ЭКСПО-2017-ге қатысатындығын растады

Астанада «Астана ЭКСПО-2017» ұлттық компаниясы» АҚ Басқарма Төрағасы Ахметжан Есімов Армения Республикасының Экономикалық даму және инвестиция министрі Сурен Караянмен кездесті, деп хабарлады Ұлттық компания.
Армения ЭКСПО-2017-ге  қатысатындығын растады

Басқосу барысында екі жақ Арменияның «Астана ЭКСПО-2017» көрмесіне қатысу мүмкіндігі қарастырылды.   

«ТМД барлық елдері халықаралық көрмеге қатысатындығын ресми растады. Сондықтан олардың қатарында Арменияны да көргіміз келеді», - деді А.Есімов.

Бүгінгі таңда халықаралық мамандандырылған көрмеге қатысатындығын 104 мемлекет растады, 98 мемлекеттің комиссары тағайындалды, 82 мемлекет қатысу келісімшартына қол қойды.

Өз кезегінде, Сурен Караян мемлекет Үкіметі жақын арада нақты шешім қабылдайтындығын айтты.

Айта кету керек, түстен кейін Сурен Караян «Астана ЭКСПО-2017» көрмесіне қатысатындығын растады. Демек, халықаралық көрмеде ТМД барлық елдері қатысатын болады.

Көрме 2017 жылғы 10 маусымнан бастап 10 қыркүйекті қоса алған аралықта Астана қаласында өткізіледі.

 

Барлық жаңалықтар