Сочидегі Олимпиадада ҚР ұлттық құрамасын 300 жанкүйер қолдайды - Т. Есентаев

5 Желтоқсан, 2013 10:20

300-ге жуық қазақстандық ұлтық құраманы қолдау үшін Сочидегі олимпиадаға аттанбақ. Бұл туралы бүгін Үкімет отырысында Спорт және туризм агенттігінің төрағасы Тастанбек Есентаев хабарлады.

«Бүгінгі таңда агентттік қазақстандық делегат құрамасын дайындауда. Оның ішінде бапкерлер, спортшыладан құралған 100 адам бар. Сондай-ақ, Сочиге ұлттық құраманы қолдау үшін 300 жанкүйер жіберуді жоспарлап отырмыз. Олардың тамақтануы мен спорттық киімі қамтамасыз етіледі», - деді Т. Есентаев.

Агенттік төрағасының айтуынша, Сочиде қазақстандық баспасөз орталығы қызмет істейді. Оның базасында Астанада өтетін ЭКСПО-2017 көрмесін насихаттау жүргізілмек.

«Осыған орай Мемлекет басшысының тапсырмасы бойынша Халықаралық Олимпиада комитетіне 2022 жылғы XXIV Олимпиада ойынын Алматыда өткізуге өтініш берілді», - деді Т. Есентаев.

Сочи Олимпиадасында қазақстандық делегат Қазақстанды паш ететін шараларды ұйымдастырады, ол Олимпиада ойындарын өткізуге үміткер ретінде таныстырылады.

Барлық жаңалықтар