Астанадағы халықаралық конференцияда «Болашақ» бағдарламасының жаңғыртылуы талқыланып жатыр

ҚР Мемлекеттік хатшысы Гүлшара Әбдіхалықова мен Білім және ғылым министрі Ерлан Сағадиев Орталық Азиядағы «Болашақ» бағдарламасының III халықаралық конференциясына Bolashak Alumni Reunion Conference аnd Education Fair – 2016 (BARCEF – 2016) қатысып жатыр. Конференцияға қатысушылар Тәуелсіздіктің 25 жылдығындағы жаңа ұстанымар мен жаһандық білім беру мәселелерін талқылайды.

 «Жыл сайын BARCEF әлемдік және қазақстандық жетекші жоғарыоқу орындарының 60-тан аса өкілінің, білім саласындағы беделді халықаралық сарапшылардың, сондай-ақ Қазақстандағы 4000-нан аса мектеп оқушысы мен студенттің басын қосады.Жыл өткен сайын BARCEF мүддесінің шеңбері кеңейіп, барынша көп беделді қатысушылар санын қамтитын әлемдік деңгейдегі алаңға, Қазаұстанды әлемге танытатын бірегейіс-шараға айналуда», - деді Е.Сағадиев.

BARCEF 2016 – бағдарлама серіктестерімен білім саласындағы реформалар контексінде «Болашақ» стипендиясын жаңарту мәселелерін талқылауға арналған тиімді платформа ғана емес, сонымен қатар «болашақтықтардың» өздерінің «alma mater» өкілдерімен бейресми жағдайда кездесулерінің бірегей мүмкіндігі болып табылады.