• Басты
  • Астанада өтетін байқауда Қазақстанның үздік пошта қызметкері таңдалады
6 Қазан, 2016 16:48

Астанада өтетін байқауда Қазақстанның үздік пошта қызметкері таңдалады

Өңірлік байқаулардың жеңімпаз пошта қызметкерлері «Еліміздің үздік пошта қызметкері – 2016» атағын анықтауға арналған ақтық байқауға қатысу үшін Астанаға келді.
Астанада өтетін байқауда Қазақстанның үздік пошта қызметкері таңдалады

Осы жыл ішінде әрбір облыстық филиалда облыстың үздік пошта қызметкері атағына байқау өткізілді және бүгін 16 облыстық жеңімпаз «Еліміздің үздік пошта қызметкері – 2016» атағын анықтауға арналған ақтық байқауға қатысу үшін Астанаға келді.

«Бүгін бізде өте маңызды іс-шара, ол Дүниежүзілік пошта күнін тойлау қарсаңында өткізіліп отыр. Бұл біздің кәсіби мерекеміз, сондықтан біз жыл сайын қызметкерлерді, үздік операторларды, пошта қызметкерлерін тарта отырып, дәл осылай тойлауға тырысамыз. Біз үшін өз қызметкерлеріміздің маңыздылығын көрсету маңызды. Сондықтан осы жылы біз кезекті үздік операторларды таңдаймыз, оларға арнайы сыйлықтар дайындап қойдық. Олар жыл бойы үздік ондыққа кіруге тырысты. Сондықтан мұндай іс-шаралар компания үшін айтарлықтай маңызды», - деп хабарлады «Қазпошта» АҚ-ның қаржы қызметтері жөніндегі басқарушы директоры Айнұр Күнхожаева.

Ұйымдастырушылардың айтуы бойынша, «Еліміздің үздік пошта қызметкері» атағы алғаш рет өткен жылы берілген болатын, ол Ақтөбе облыстық филиалының пошта қызметкері Торғын Шөкеева болды. Осы жылы «Еліміздің үздік пошта қызметкері – 2016» байқауынан басқа, компания қызметкерлері мен олардың балаларына арналған әр түрлі байқаулар ұйымдастырылған, оған қатысушылар өздерінің интеллектуалдық және шығармашылық қабілеттерін көрсете алады.

Барлық жаңалықтар