• Басты
  • ХКБ басшылығы ЭКСПО-2017 көрмесіне дайындық барысын оң бағалады (ФОТО)
6 Қазан, 2016 18:12

ХКБ басшылығы ЭКСПО-2017 көрмесіне дайындық барысын оң бағалады (ФОТО)

Парижде «ЭКСПО-2017» комиссары Рәпіл Жошыбаевтың басшылығымен қазақстандық делегация Халықаралық көрме бюросының (ХКБ) Атқарушы комитетінің отырысына қатысты.
ХКБ басшылығы ЭКСПО-2017 көрмесіне дайындық барысын оң бағалады (ФОТО)

Р. Жошыбаев өз баяндамасында Атқарушы комитеттің соңғы отырысынан кейін (2016 жылғы 28 сәуір) атқарылған жұмыс туралы, соның ішінде 104 елдің және 17 халықаралық ұйымның қатысу туралы растамасын алу, көрме шеңберінде халықаралық іс-шараларға дайындық және «ЭКСПО-2017» көрмесін ірі халықаралық алаңдарда ілгерілету бойынша ақпараттық-имидждік науқан жүргізу туралы айтып өтті, деп хабарлады ҚР СІМ.

Сонымен қатар, «Астана ЭКСПО-2017» ҰК» АҚ төрағасының орынбасары  Ербол Шорманов ағымдағы құрылыс жұмыстарының барысымен, сондай-ақ көрменің мазмұнымен және коммуникациялық жоспарларымен және компания қызметінің алдағы кезеңге арналған жоспарларымен таныстырды.

Атқарушы комитет мүшелері, сондай-ақ, Дубай-2020 дүниежүзілік көрмесіне және Пекин-2019 бағбандық көрмесіне дайындық барысы туралы есептерді де тыңдады.

Отырыс қорытындылары бойынша ХКБ басшылығы мен мүшелері «ЭКСПО-2017» көрмесіне дайындық барысын оң бағалады. ХКБ бас хатшысы тіркеу деректеріне сәйкес Қазақстанның көрмеге халықаралық қатысушыларды тарту жөніндегі жоспарды орындағанын атап өтті.

Барлық жаңалықтар