• Басты
  • 1 мыңнан астам ақтөбелік тұрғын әлеуметтік-еңбек мәселелері бойынша ҚР ДСӘДМ мамандарының кеңесін алды

1 мыңнан астам ақтөбелік тұрғын әлеуметтік-еңбек мәселелері бойынша ҚР ДСӘДМ мамандарының кеңесін алды

6 Қазан, 2016 10:32
Ағымдағы жылғы 29 қыркүйек пен 4 қазан аралығында «Әлеуметтік проблемаларды шешу» Республикалық акциясының аясында Ақтөбе облысы Алға ауданының 1 мың 241 тұрғындарына ҚР Денсаулық сақтау және әлеуметтік даму министрлігі мамандары әлеуметтік қамсыздандыру мен жұмысқа орналасу мәселелерін түсіндірді.

ҚР Денсаулық сақтау және әлеуметтік даму министрлігінің баспасөз қызметі хабарлағандай, акция барысында ауыл тұрғындарымен, оның ішінде аз қамтылған отбасының мүшелерімен, мүгедектермен, зейнет жасына келіп қалған әйелдермен және жалдамалы жұмыскерлермен 105 кездесу өткізілді.

«ҚР ДСӘДМ мамандарының көмегімен 3 азаматтың еңбек құқығы қорғалып, 3 адам түрақты жұмыспен қамтылды. Зейнет жасына келіп қалған 13 әйел адам «Жұмыспен қамту 2020 жол картасы» бағдарламасына қатысуға жолдама алып, 23 мүгедекке консультативті және протезді-ортопедиялық көмек көрсетілді”, - делінген хабарламада.

Бұрын хабарланғандай, ағымдағы жылғы 29 қыркүйек пен 3 қазан аралығында «Әлеуметтік проблемаларды шешу» акциясының аясында Ақтөбе облысы Алға ауданының тұрғындарына 3,4 мыңнан астам медициналық тексеру жасалып, оның ішінде 1329 адам Астана және Алматы қалаларының ғылыми орталықтары мен ғылыми-зерттеу институттары мамандарының кеңесін алды. Осы мақсатта аталған аймаққа республикалық ҰЗИ мен ҒО-ның балалар мен ересектер бағыты бойынша 20 жетекші маман жіберілген болатын.

Аталған акция Ақтөбе облысында 29 қазанға дейін жалғасады. Бір айдың ішінде ҚР ДСӘДМ мамандары аймақ тұрғындарына маңызды мәселелер бойынша әлеуметтік, медициналық және өзге де көмек көрсететін болады.

 

Барлық жаңалықтар