Швейцарияның бизнес-делегациясы экономика министрінің басшылығымен қазанда Қазақстанға сапарлап келеді – ҚР СІМ

Ж. Айтжанова Үкіметтің шетелдік инвесторлармен жұмысты жақсарту, іскерлік климатты жетілдіру және Қазақстанда бизнесті жүргізу шарттарын оңайлату жөніндегі шаралары туралы ақпараттандырды. Сондай-ақ, елші екі елдің сауда-экономикалық өзара іс-қимылының қазіргі әлеуетін әсіресе Қазақстанның Дүниежүзілік сауда ұйымына кіруі және біздің еліміздің Еуразиялық экономикалық одаққа мүшелік етуі тұрғысынан барынша пайдалануға шақырды.

Өз кезегінде, П. Модэ қазанда бизнес-делегацияның басшылығымен Қазақстанға сапары екі жақты сауда-экономикалық қатынастарды нығайтуға жаңа серпін беретінін атап өтті.
Сапар барысында екі ел кәсіпкерлерінің қатысуымен бизнес-форум ұйымдастыру және «Атамекен» Қазақстан кәсіпкерлерінің ұлттық палатасы мен Швейцария – Ресей/ТМД сауда палатасы арасында өзара түсіністік туралы меморандумға қол қою жоспарлануда.

Тараптар кездесу қорытындылары бойынша нәтижелі ынтымақтастықты жалғастыруға және бірлескен бизнес жобаларды практикалық іске асыруға баса назар аударуға келісті.