Оқушыларға 1300 спорт залын салу қажет – БҒМ
5 Қазан, 2016 13:17
Қазақстандық оқушылардың 27 пайызы спорт секцияларымен қамтылған, деді Білім және ғылым министрі Ерлан Сағадиев Үкімет отырысында.
«Спорт секциялары мен аула клубтарының саны жеткіліксіз. Қазіргі таңда республикада 9 мың спорт алаңы бар. Қазақстандық оқушылардың 27 пайызы спорт секцияларымен қамтылған. Егер Ресеймен салыстырсақ, 82 пайызды қамтып отырмыз», - деді министр.
Ол спорт инфрақұрылымын бұқаралық әдіспен дамытуды ұсынды.
«Оқушыларға 1300 спорт залын салу қажет. Бұл мәселе депутаттар қарауында, біз қажетті қаржыландыру бойынша құжат енгіземіз», - деді министр.
