Премьер-Министр қаражатты игеру көрсеткішінің төмендігіне облыс әкімдерінің назарын аудартты

«Менiң қолымдағы ақпарат бойынша тұрғын үй-коммуналдық шаруашылығына бөлiнген қаражаттың 19 пайызы ғана игерiлген. Жыл соңына дейiн өте аз уақыт қалды. Мұның үстiне жылу беру маусымы басталып кеттi», - дедi Б.Сағынтаев.

«Атырау облысында шағын және орта бизнестiң дамуы төмен. Бұл түсiнiктi де, мұнайлы өңiр болғандықтан, көбiсi осы салада жұмыс iстейдi. Дегенмен, оны дамыту үшiн қаржы бөлiп отырмыз. Сiздiң облысқа 692 млн қаржы бөлiнген. Осы уақытқа дейiн оны алған жоқсыздар. Сiздерде ниет жоқ па, әлде бизнесте қажеттiлiк жоқ па? Берiлген ақша игерiлмейдi, тiптi алынбайды, әлi күнге дейiн бiзде жатыр», - дедi Б.Сағынтаев.

Өз кезегiнде Нұрлан Ноғаев 692 млн теңгеге келiсiмдер жасалғанын, жылдың соңына дейiн қаражат толық игерiлетiнiн айтты.

«Менiң ойымша, бұл жай ғана сөз. Өйткенi қазан айы басталып кеттi. Қаражатты аударып алғанша, сосын конкурс өткiзiп, кәсiпкерлерге бергенше жыл бiтедi. Яғни биыл шағын және орта бизнес бұл ақшаны пайдалана алмай қалды деген сөз», - дедi Үкiмет басшысы.