Ж.Қасымбек: Қазақстан «Батыс Еуропа – Батыс Қытай» жобасы бойынша жолдарды қайта жаңғыртуды жыл соңына дейін аяқтайды
5 Қазан, 2016 09:43
Қазақстан «Батыс Еуропа – Батыс Қытай» жобасы бойынша жолдарды қайта жаңғыртуды жыл соңына дейін аяқтайды, деді Инвестициялар және даму министрі Жеңіс Қасымбек.
« «Батыс Еуропа – Батыс Қытай» жобасы бойынша 2787 км ішінен 2452 автожол қайта жөнделуге жатады, оның құны 825 млрд теңгені құрады. Жобаны жүзеге асырудан бастап 2 028 км жолда жұмыстар аяқталды, Шымкенттен Ресей Федерациясына дейін және Тараз-Алматы бағытында қозғалыс ашылды», - деді Ж.Қасымбек.
Оның айтуынша, 2016 жылдың бюджеті 134,2 млрд теңгені құрап, 56 пайызы – 76,8 млрд теңгесі игерілді. Қазіргі таңда Алматы-Қорғас, Шымкет-Ташкент, Шымкент – Жамбыл облысы учаскелерінде жөндеу жұмыстары жалғасуда, жыл қорытындысында қозғалысты ашу жоспарланған.
