Сенаторлар Алматы облысының жаңадан сайланған ауыл әкімдерімен кездесті
4 Желтоқсан, 2013 18:00
ҚР Парламент Сенатының депутаттары Нұрлан Сүлейменов пен Ләззат Тұрлашова Алматы облысы Ақсу ауданының жергілікті атқарушы билік өкілдерімен кездесті. Бұл туралы Парламент Сенатының баспасөз қызметі хабарлады.
«Жаңа сайланған әкімдермен жергілікті өзін-өзі басқару мәселесі талқыланды», - делінген хабарламада.
Айта кетейік, 2013 жылы « Жергілікті өзін-өзі басқару заңнамасына өзгертулер мен толықтырулар енгізу» заң жобасы қабылданған болатын. Оның қабылдануы төменгі деңгейлі әкімдердің қаржылық жағдайын тұрақтандырады.
Сондай-ақ, кездесу барысында аймақ тұрғындары сенаторларға Н. Назарбаевтың салиқалы саясатын қолдайтындықтарын мәлім етті.
