Ә.Исекешев: Астана мен Ресейдің ірі қалалары арасында тікелей әуе қатынасын ашу қажет
4 Қазан, 2016 17:19
Астана мен Ресейдің ірі қалалары арасында тікелей әуе қатынасын ашу қажет. Бұл туралы қала әкімі Әсет Исекешев Қазақстан мен Ресейдің өңіраралық ынтымақтастығының ХІІІ форумы барысында мәлімдеді.
«Қазіргі таңда туризм мен сауданы дамыту үшін азаматтарды көліктік қолжетімдлікпен қамту мәселесін қолға алу қажет. Астана Ресейдің 6 өңірімен тікелей әуе қатынасына шыға алады. Бүгін форум аясында Челябі облысының губернаторымен Астана-Челябі бағыты бойынша әуе қатынасын ашуға келістік», - деді әкім.
Ә.Исекешевтің айтуынша, ЭКСПО қарсаңында Астананы Ресейдің ірі қалаларымен байланыстырған дұрыс.
«Сондықтан біз өңірлердің губернаторларымен, ресейлік әріптестерімізбен бірігіп, өзге бағыттарды ашу бойынша тәжірибе алмасып, жолдарын қарастырып, ұсыныстарды Үкіметке тапсыруды жоспарлап жатырмыз», - деді ол.
